سبحان اللہ! کیا آواز ہے حمادۃ ھلال کی۔ بہت خوب پڑھا ہے۔

حال ہی میں شاہد کپور اور کرینہ کپور کی مووی ’’ملیں گے ملیں گے‘‘ کا میوزک البم ریلیز ہوا۔ اس کے گیت سنے تو میں نے نوٹ کیا کہ گذشتہ کچھ عرصے سے ہندی فلموں کا میوزک ایک الگ ہی رنگ اختیار کرتا جارہا تھا جس کی مثال ہاؤس فل اور I Hate Luv Storys کے گیت ہیں، جو سننے میں برے نہیں ہیں بلکہ کافی اچھے ہیں لیکن وہ ہندی فلموں کی موسیقی کے روایتی طرز سے خاصے ہٹ کر ہیں۔ اس کے مقابلے میں جب میں نے ’’ملیں گے ملیں گے‘‘ کی موسیقی سنی تو بہت زبردست لگی کہ اس کے موسیقار ہمیش رمیشیا نے وہی روایتی طرز کو اپنایا ہے۔ ہمیش کے گائے ہوئے گنتی کے چند گانوں کے سوا مجھے کچھ خاص پسند نہیں آتے لیکن موسیقی میں تو اس نے کمال ہی کردیا ہے۔ پھر مجھے یہ جان کر بھی حیرت ہوئی کہ سلمان خان کی مشہورِ زمانہ مووی ’’تیرے نام‘‘ کی موسیقی بھی ہمیش ہی نے دی تھی۔ بندہ تو ٹیلنٹڈ ہے۔

یہ گیت خاص کر سننے کے لائق ہیں:

	Himesh Reshammiya & Shreya Gho – Milenge Milenge .mp3
	Found at bee mp3 search engine

ملیں گے ملیں گے (شاعری)

	Himesh Reshammiya-(SongsBlasts – Hare Kanch Ki Chuddiyan-(Songs .mp3
	Found at bee mp3 search engine

ہرے کانچ کی چوڑیاں (شاعری)

	Rahat Fateh Ali Khan & Jayesh – Ishq Ki Gali .mp3
	Found at bee mp3 search engine

عشق کی گلی (شاعری)
یہ گیت راحت فتح علی خان نے گایا ہے اور اندازِ گائیکی راحت کے تمام گانوں سے منفرد ہے۔

تم کہتے تھے کہ قدر نہیں عمار کو رتی بھر کی بھی
تم تھے اس کی دنیا کا سورج، چاند، ستارا، کیا جانو

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جانا ہے تمہیں، تم جاؤ مگر دو بول تو ہنس کر بولو تم
چپ توڑ بھی دو، اب بہت ہوا، ہے تم کو قسم، لب کھولو تم

عمار میں خامی لاکھ، مگر ہے تم سے لگاؤ سچ مچ کا
ہر ایک برائی ایک طرف، اس سچ کو تو لیکن تولو تم

زندہ ہونے کی رسید کے طور پر۔

تکلیف جو ہوتی ہے مِرے دل کو تو ہووے
تم جیسے مسیحا سے دوا اب نہ کریں گے

قسمیں بھی اُٹھاؤ تو نہ آئے گا یقیں اب
تم کہتے ہی رہتے ہو جفا اب نہ کریں گے

دیکھے ہیں تمہارے یہ ڈرامے بھی بہت بار
’’غلطی ہوئی، تم دے دو سزا، اب نہ کریں گے‘‘

ہر بار رُلاتے ہو مجھے، جانتے ہو نا؟
ہر بار ہی کہتے ہو خفا اب نہ کریں گے

عمار! مبارک ہمیں تنہائی ہماری
ہم ان سے محبت کی خطا اب نہ کریں گے

اگر آپ اس گانے کے بعد سمجھتے ہیں کہ میں نے آج کے دن اپنی کیفیت کے حوالے سے شیئر کیا ہے تو ایسا ہرگز نہیں ہے گذشتہ ایک ڈیڑھ ماہ سے مصروفیات کا وہ عالم رہا ہے کہ خدا کی پناہ۔ ایسے میں اگر کچھ لکھنے کا خیال آتا تو وقت نہ ملتا اور ابھی وقت ہے تو دماغ بالکل صاف ہورہا ہے۔۔۔ ایسے میں فی الحال اسی سے گزارا۔

	ALLFUNDA.com .mp3
	Found at bee mp3 search engine

ان کے دیکھے سے جو آجاتی ہے منہ پر رونق
وہ سمجھتے ہیں کہ بیمار کا حال اچھا ہے

دیکھیے پاتے ہیں عشّاق بتوں سے کیا فیض
اک برہمن نے کہا ہے کہ یہ سال اچّھا ہے

ہم کو معلوم ہے جنّت کی حقیقت لیکن
دل کے خوش رکھنے کو غالبؔ یہ خیال اچّھا ہے

گیت: میری ذات ذرۂِ بے نشاں
گلوکار: راحت فتح علی خاں
ڈراما: میری ذات ذرۂِ بے نشاں

تیرے سوا کیا جانے کوئی دل کی حالت ربّا
سامنے تیرے گزری مجھ پر کیسی قیامت ربّا

میں وہ کس طرح سے کروں بیاں
جو کیے گئے ہیں ستم یہاں
سُنے کون میری یہ داستاں
کوئی ہم نشیں ہے نہ راز داں
جو تھا جھوٹ وہ بنا سچ یہاں
نہیں کھولی میں نے مگر زُباں
یہ اکیلا پن، یہ اُداسیاں
میری زندگی کی ہیں ترجماں

میری ذات ذرۂِ بے نشاں
میری ذات ذرۂِ بے نشاں

کبھی سُونی صبح میں گھومنا
کبھی اُجڑی شاموں کو دیکھنا
کبھی بھیگی آنکھوں سے جاگنا
کبھی بیتے لمحوں کو سوچنا
مگر ایک پل ہے اُمید کا
ہے مجھے خدا کا جو آسرا
نہ ہی میں نے کوئی گِلہ کیا
نہ ہی میں نے دی ہیں دہائیاں

میری ذات ذرۂِ بے نشاں
میری ذات ذرۂِ بے نشاں

میں بتاؤں کیا، مجھے کیا ملے؟
مجھے صبر ہی کا صِلہ ملے
کسی آگہی کی رِدا ملے
کسی درد ہی کا سِرا ملے
کسی غم کی دل میں جگہ ملے
جو مِرا ہے وہ مجھے آ ملے
رہے شاد یوں ہی میرا جہاں
کہ یقیں میں بدلے میرا گماں

میری ذات ذرۂِ بے نشاں
میری ذات ذرۂِ بے نشاں

اردو لیرکس (Urdu Lyrics)

بابا میری مِس کہتی ہیں
کل سے سب بچوں کو اپنے
گھر رہنا ہے، گھر پڑھنا ہے۔
میں نے سنا ہے!
ایک بڑے سے کالی مونچھوں والے ’’انکل‘‘
بومب (Bomb) لگا کر آئیں گے۔
سب بچے مرجائیں گے!!

بابا! کیوں ماریں گے ہم کو؟
ہم سے کوئی بھول ہوئی کیا؟
ہم سے کیوں ناراض ہیں ’’انکل‘‘؟

بابا! اُن کو گڑیا دے دوں؟
یا پھر میرے رنگوں والی، یاد ہے نا وہ نیلی ڈبیا؟
میری پچھلی سال گرہ پر مجھ کو آپ نے لا کر دی تھی۔
اور میری وہ پیاری پونی،
ریڈ کلر کی، تتلی والی!
وہ بھی دے دوں؟
پھر تو نہیں ماریں گے مجھ کو؟

یاد ہے بابا؟ ایک دفعہ جب
مجھ کو ہاتھ پہ چوٹ لگی تھی۔
بہت زیادہ درد ہوا تھا!!
تھوڑا سا خوں بھی نکلا تھا!!!
بہت زیادہ روئی تھی میں!!!

کیا یہ بم بڑا ہوتا ہے؟
بہت زیادہ چوٹ لگے گی؟
درد بھی شاید زیادہ ہوگا!!
بابا مجھ کو ڈر لگتا ہے!!!

کلام: عاطف جاوید عاطفؔ

انگریزی شاعری
اردو ترجمہ
MP3 ڈاؤن لوڈ کرنے کے لیے